منهنجي سنڌ جو حال جي پڇندي روئي پوندي روئي پوندي

رپورٽ : شاھد مير سھتو ڀرياسٽي 
چون ٿا سنڌ ۾ جديد طرز تعليم پڙھائي پئي وڃي ـ 
سائين قبلا ھي آھي ڀرياسٽي جي ڳوٺ خدابخش ٻرڙو جو مين پرائمري اسڪول جتي گذريل 6 مھينن کان استاد ناهي ـ استاد ته ناھي پر فرنيچر به ناھي فرنيچر ته ناھي پر اسڪول کي ڇت به ناهي ـ اسڪول جون ڀتيون به زبون حالي جو شڪار آهين پر ڪھڙيون سھولتون ٻڌايان اسڪول کي 4 ديواري به ناهي پر اڄ تائين نه ھتي ٽي او ڀريا آيو آ نه ضلعي انتظاميا آئي نه ئي ڪو رئيس ڀوتار ڳوٺ ۾ اسڪول ڏسڻ آيو آهي ـ بس ايترو چوندس سيد سردار شاھ صاحب کي ته سڳورا سيد ھڪڙو ننڍڙو عرض آهي اگر تعليم ۾ امرجنسي ڏسڻي اٿو ته حيدرآباد جي اسڪولن ۾ نه وڃو ـ ھتي اچو ته مان توھان کي ڀرياسٽي تعلقي جا48 بند پيل اسڪول ڏيکاريان.

جنهن طرف دنيا ترقي طرف وڌي رهي آهي جنهنجو دارو مدار تعليم آهي انهيءَ دنيا جي گولي تي هزارين سالن جي تهذيب رکندڙ سنڌ ڌرتي موجود آهي جتي علم ۽ هنر جا شاهڪار رهيا جتان اولياءِ ڪرام ۽ صوفين جنم ورتو انهيءَ ڌرتيءَ جا تعليمي ادارا اڄ ويران نظر پيا اچن خدارا ڪجهه سنڌ جي تعليم لاءِ آواز اٿاريو ڪا گڏيل ڪوشش ڪيو.