ڪتاب جو تعاف
ثمر علي چانڊيو
ڪتاب جو تعارف :
زندگي ۾ مشڪلاتون ۽
مصيبتون سڌائين انسان کي پريشان ڪنديون آهن،انهن مشڪلاتن ۽ مصيبتن کي صرف سٺي سوچ
سان ئي حل ڪري سگهجي ٿو ۽ سوچ ان وقت سٺي ٿيندي ،جڏهن موثر ۽ مفيد ڪتاب مطالعي
هيٺيان هجن .
مفيد ۽ موثر ڪتابن مان
فارسي زبان ۾ لکيل هڪڙو ڪتاب ” لطفا گوسفند نباشيد “ به آهي جنهن جو ليکڪ ايران جي
صوبي قم جو رهاڪو ” محمود نامني“ آهي.
”لطفا گوسفند نباشيد “
جو سولو ترجمون هي ٿيندو ته ” مهرباني ڪري رڍ نه ٿيو “ پر ان جو ترجمون هي به ڪري
سگهجي ٿو ته مهرباني ڪري موڳا نه ٿيو.
هي ڪتاب پنجن بابن تي
هن ترتيب سان مشتمل آهي :
پهريون باب : ڪئين سکڻ
گهرجي ؟
ٻيون باب : محاورا
ٽيون باب : اهي سوال جن
جو جواب ملڻ مشڪل آهي
ڇوٿون باب : پنهنجو پاڻ
کي سڃاڻڻ متعلق ڪجهه سوال
پنجون باب : هي ڪتاب
توهان لاءِ ڪيترو موثر ثابت ٿيو ؟
ليکڪ پنهنجي ڪتاب کي
هنن لفظ سان شروع ڪري ٿو :
” کاش دانسته بودم
چگونه زندگي کنم يا کسي را يافته بودم که روش زندگي به من تعليم داده بود “
ترجمون : ڪاش مون کي
خبر هجي هان ته زندگي ڪئين گذاريان يا ڪو اهڙو انسان هجي هان جيڪو زندگي گذارڻ
سيکاري هان !
پهريون باب : ڪيئن سکڻ
گهرجي ؟
ليکڪ پهرين باب کي هڪ
قصي ٻڌائڻ سان شروع ڪري ٿو :
قصو : هڪڙي دفعي نوجوان
، ارسطو کي عرض ڪيو ته حڪيم سڳورا مون کي فلسفو سيکاريو !
ان وقت ارسطو حوض جي
آڏو ٻيٺو هو ، نوجوان کي ڪنڌ کان جهلي ٽوٻا ڏيڻ شروع ڪيائين ، جڏهن نوجوان جو ساهه
منجهيو ، ارسطو کي چيائين مان ته فلسفو سکڻ آيو هيس توهان مون کي ٽوٻا ڇا لاءِ ڏيو
پيا ؟
ارسطو چيو ته جڏهن پاڻي
۾ هئين ته ڇا جي ضرورت محسوس ڪيئي پئي ؟
نوجوان چيو ته سائين
آڪسيجن جي اشد ضرورت محسوس ڪيم پئي ، ان تي ارسطو نوجوان کي چيو جڏهن فلسفي جي
ضرورت ايتري محسوس ٿيئي جيتري آڪسيجن جي ضرورت اٿئي ته پوءِ فلسفو سکڻ اچجان !
ان مان سمجهه ۾ اچي پيو
ته ڪنهن به شئي کي ان وقت صحيح نموني سان سکي سگهجي ٿو جڏهن ان جي اشد ضرورت محسوس
ڪجي ، ٻئي صورت ۾ ان کي دل ۽ جان سان سکي نه سگهنداسين !
تنهن ڪري ضروري آهي
اهڙي شعبي جو انتخاب ڪجي ، جنهن جي اسان کي اشد ضرورت محسوس ٿئي ته جئين ان کي دل
و جان سان سکي سگهون !
باب ٻيون : محاورا
ليکڪ ڪتاب جي ٻئي باب ۾
ڪجهه محاورا لکي ٿو جيڪي پڙهندڙن جي لاءِ مفيد ۽ ڪارائتا ثابت ٿيندا :
يادت باشد ! خداوند ما
را اتفاقي به دنيا نفرستاد
ياد رک ته الله سائين
حادثاتي طور تي اسان کي هن دنيا ۾ ناهي موڪليو !
بلڪه هڪ خاص هدف تحت
موڪليو آهي ،هدف تائين پهچڻ ئي ڪاميابي جو نالو آهي .
ڪاميابي يعني هدف کي
حاصل ڪرڻ تائين ڪوشش مان هٿ نه ڪڌڻ
ان جي ڪري چوندا آهن ته
:
از تمبر ياد بگير ! تا
رسيدن به هدف به نامه مي چسپد !
ٽڪلي کان سکو !
جيسيتائين خط ڏنل اڊريس تي ناهي پهچندو خط سان ڄنبڙيل هوندي آهي !
ڪوشش مان هٿ نه ڪڍ
جيسيتائين ڪوشش تو کي مقصد تائين نه پهچائي !
اين فرمول را ياد بگير
! نه بار زمين بخور ، ده بار برخيز !
هي فارمولو هميشه ياد
رکي ڇڏ ته
جي نوَ دفعا به پٽَ تي
ڪري پوين ته به ڏهون دفعو اٿ !
نوَ دفعا ڪرڻ کانپوءِ
به ڏهون دفعو اٿڻ جي ڪوشش ڪر
بهتر است يک روز هم که
شد ” شير باشيد “ تا آن که در همه سالها زندگي تان ” گوسفند باشيد “
هڪ ڏينهن به شينهن ٿي
گذارڻ ڀلو آهي ، سڄي زندگي رڍ ٿي گذارڻ کان
محاورن جو مطلب :
بيوقوفي ۽ موڳائي ۾
زندگي نه گذاريو . بلڪه شينهن ٿي زندگي گذاريو
هڪ ڏينهن شينهن ٿي
گذارڻ ، هميشه لاءِ رڍ ٿي گذارڻ کان بهتر آهي
پنهنجي مقصد تائين پهچڻ
لاءِ ڪڏهن به ڪوشش ڪرڻ ڇڏي نه ڏئي ، ان ملهه تائين ڪوشش جاري رک جيسيتائين مقصد
تائين نه پهچين !
بيوقوف ۽ موڳو نه ٿي رڍ
وانگر
محنت ڪر ، جوان ٿي ،
هدف تائين پهچ ، شينهن وانگر
ٽيون باب : اهيسوالجنجوجوابملڻمشڪلآهي
مرڻ جو وقت ويجهو هجئي،
تو کي چيو وڃي ته صرف هڪ ڪال ڪري سگهين ٿو ، ته پوءِ ڪنهن ڏي ڪال ڪندي ۽ ڇو ڪندي ؟
هڪ لفظ ۾ ” الله “ جي Definition ٻڌايو ؟
هڪ لفظ ۾ شيطان جي Definition ٻڌايو ؟
توهان جي سمجهه ئم
انسانيت جي تباهي جو ڪارڻ ڇا آهي ؟
زندگي جي معني ڇا آهي ؟
زندگي ۾ سڀني ڪمن
منجهان خراب ڪم ڪهڙو ڪيو اٿئي؟
پنهنجي لفظن ۾ ڪاميابي
جي معني ٻڌاءِ ؟
ڪنهن اهڙي جاءِ تي هڪڙو
مهينو رهه جتي پيسا ساڻ کڻڻ جي اجازت نه هجي ، ته پوءِ ڪٿي رهندو ۽ ڇو رهندو ؟
ليکڪ جي چوڻ موجب هي
اهڙا سوال آهن جن جو جواب ملڻ انتهائي مشڪل آهي !
ڇوٿون باب : پاڻ سڃاڻِ
ليڪ پنجين باب ۾ ڪجهه
سوال ڪري ٿو ۽ انهن جا جواب پڙهندڙ کان گهري ٿو ، ان جي دعوي آهي ته انهن سوالن
وسيلي ڪنهن حد تائين پنهنجو پاڻ کي سڃاڻي سگهجي ٿو !
توهان ڪير آهيو ؟
توهان ڪهڙي ڪم جا آهيو
؟
ڇا توهان هر ڪم ڪرڻ ۾
شرم محسوس ڪيو ٿا ؟
ڇا توهان هر ڳالهه تي
ڪاوڙ ڪندا آهيو ؟
پنهنجو پاڻ تي ڪيتري حد
تائين اعتماد ڪيو ٿا ؟
توهان زندگي جي ڪهڙي
موڙ تي ٻيٺا آهيو زمان ماضي ۾ آهيو يا حال ۾ قدم رکيا اٿوَ ؟
پنهنجن ڪمن کي دلي شوق
سان انجام ڏيندا آهيو يا صرف تفريح خاطر ؟
بحث مباحثن ۾ انصاف کان
ڪم وٺندا آهيو يا نه ؟
انهن سوالن جي جواب سان
سان ڪافي حد تائين پنهنجو پاڻ کي سڃاڻي سگهو ٿا ته توهان جي سوچ واڌو آهي يا ڪاٽو
؟؟
پنجون باب : هي ڪتاب
اوهان تي ڪيترو اثر انداز رهيو ؟
ليکڪ هن باب ۾ پڙهندڙن
کان اها درخواست ڪري ٿو ته هي ڪتاب توهان تي ڪيترو اثر انداز رهيو آهي ، هن ڪتاب
جا مثبت ۽ منفي اثر ڪاغذ تي لکي انهن جي پاڻ ۾ ڀيٽ ڪرايو ، ته مثبت اثر توهان تي
گهڻا ٿيا آهن يا منفي اثر .
0 Comments